CLICK HERE FOR THOUSANDS OF FREE BLOGGER TEMPLATES »

الأربعاء، 14 يناير، 2009

وحشتوووووووووني أووووووووووي

السلام عليكم أولاً
يا رب كلكم تكوني بألف خير
سامحوني عشان التأخير ده
بس الحياه مليانه مشاكل وأزمات والحمد لله عدت على خير أدعولي بقى
المهم انا حعدي على مدونه مدونه وأسلم عليهم حتعب بش مش مشكله
وحق التاكسي اللي حيلففني ده حدفع حقه من جيبي بس المهم أطمن عليكم

الأحد، 20 يوليو، 2008

راجع تاني


راجع تاني تقولي اِيـــــــــــــه
تعبان مضايق. . طب أنا أعمل اِيـــــــــــــــه
اِنت اِخترت طريقك وبعدت عني خلاص
في وقت اِحتجت فيه لدقة قلب واحساس
راجع دلوقتي بتسألني فين الاِخلاص
وتعاتب قلبي وتفكرني بشوية ذكريات
دي كانت ذكريات . . أجمل ذكريات
أخدت عمري كله وصحت قلب مات
راجع تاني تقولي اِيـــــــــــــه
تعبان مضايق . . طب أنا أعمل اِيــــــــــــه
اِحكيلي واشتكيلي . . كل اللي أسيته من بعدي
يا ترى هو يستاهل كل اللي عملتيه في بُعدي
خلاص أنا أسف مش حعاتبك على خيانتك ليه
ولا نرجع نعيد ونفتكر عيوب كانت فيه
راجع تاني تقولي اِيــــــــــــه
تعبان مضايق . . طب أنا أعمل اِيـــــــــــــه
أنا أسف عشان مش قادر أخدك في حضني وأضمك ليه
وأحس بدقاتك زي زمان ياللي كنت ليه
انت خلاص بقيت لواحد غيري مش ليه
انساني خلاص أنا نسيتك وغمضت عنيا

الأربعاء، 2 يوليو، 2008

تــــــــــــــــــــــــــاج


وصلني تاج من ارق إنسانه واعز إنسانه إلي قلبي
مرسي ليكي يا رارا
1- أذكر أحلاما تخص ماضيك كنت هتتخلى عن إيه فيها
وهتتمسك بأيه لحد دلوقتى ؟
زمان كنت بحلم أني أكون شخص مشهور وأكون محبوب من الناس كلها وكنت باتمنى إني أرتبط بإنسانه تحمل بداخلها كل معاني الرومانسية
الحمد لله انا محبوب من ناس كتير يعني محدش بيزعل مني ولا بحب أضايق حد
وارتبط بإنسانه انا حبيتها بجد وكنت بتمنى إنها تشاركني حياتي لكن محصلش نصيب , ربنا يوفقها في حياتها وحاليا انا تخليت عن حلم الارتباط ده بإنسانه رومانسية اعتقد انه حيكون ارتباط تقليدي مش أكتر من كده
2- أذكر أحلاما تخص مستقبلك وماتتمناه منه ؟
أتمنى أني أعيش حياه مستقره في ظل الظروف المحيطة بنا لكن أنا بحاول على قد ما اقدر لكن في ظل الظروف دي الأمل أصبح ضعيف
ربنا يسترها علينا
3- أذكر شخصين -على الأقل- متواجدين فى حياتك
كنت تتمنى وجودهم من قبل ؟

أختي رارا كنت أتمنى إنها تكون جنبي من زمان اوووووي ومدونتي دي عشان بحب أقول كل اللي بحب احكيه عن حياتي وكل اللي بحس بيه
4- أذكر شخصين غير متواجدين فى حياتك
وتتمنى وجودهم مستقبلا في حياتك وحياة أولادك ؟
كنت أتمنى وجود الحب في حياتي بتمناه لأولادي

5- أمرر التاج إلى ......
Angel – totaaa - مدحت محمد

الاثنين، 23 يونيو، 2008

قلبي وقفت دقاتة


قلبي وقفت دقاته . . . أول ما شافك قال الله

بين يوم وليله سرقتي حياته . . . ومن ساعتها مقدرش ينساه

اتعلم يسهر ويفكر . . . طول الليل من غير ما يقدرٌِ

انه وقع في الحب يا قلبي . . . والله لا يقدر

قلبي وقفت دقاته . . . أول ما شافك قال الله

بين يوم وليله سرقتي حياته . . . ومن ساعتها مقدرش ينساه

أه من حبك يا تاعبني . . . أرحمني ده هواك غلبني

وفبعدك قلبك عذبني . . . وأنا عارفك تقدر

قلبي وقفت دقاته . . . اول ما شافك قال الله

بين يوم وليله سرقتي حياته . . . ومن ساعتها مقدرش ينساه

أنا عايزك تفضل ويايا . . . وينور قلبك دنيايا

تمسك ايدي وتنسيني . . . كل اللي أسيته في هوايا

الجمعة، 6 يونيو، 2008

مش عارف


أنا بجد مش عارف مالي
مش عارف إيه اللي جرالي
كل حالي اتغير في ثواني
نفسي ارجع لحياتي من تاني
مين غير لي حالي
مين حيرلي بالي
أنا عمري ما كنت أتصور إني في يوم ابعد وأتغير
ما هو لازم فعلا اتغير كل حياتي بقت حاجه تحير
أنا بجد مش عارف مالي
مش عارف إيه اللي جرالي
كل حالي اتغير في ثواني
نفسي ارجع لحياتي من تاني
حاولت في يوم اقرب من نفسي اعرف كل اللي أنا عايزه ونفسي فيه
حسيت إني في عالم تاني عالم اخدني و وداني وتهت فيه
ازاي أرجع وأعيش من تاني
بعد اللي شفته في كل زماني
أنا بجد مش عارف مالي
مش عارف إيه اللي جرالي
كل حالي اتغير في ثواني

نفسي ارجع لحياتي من تاني

الأحد، 4 مايو، 2008

احساس جديد


أحساس جديد أنا حسيته ************** أول مره أحس بيه

جوه قلبي أنا خبيته ************** وفي عنيه كلام بداريه

بسأل عيوني ايه اللي حصلك ************* معقوله تكوني حنيتي ليه

بسرعه كده قلبي رسملك ************* أحلام معاكي أخرتها ايه

ردت عليه قالت بحبه ************** ده انا كلي ليه وروحي فيه

احساس جديد أنا حسيته ************** أول مره أحس بيه

جوه قلبي أنا خبيته ************** وفي عنيه كلام بداريه

والله العظيم انا حبيتك *************** معرفش امتى وحصلي ليه

أأأأأأأه يا قلبي من احساسك ************** صعبان عليا اللي انت فيه

واقع في حيره محتار تقول ************** كل اللي حاسه انا دوبت فيه

احساس جديد أنا حسيته ************** أول مره أحس بيه

جوه قلبي أنا خبيته *************** وفي عنيه كلام بداريه

السبت، 26 أبريل، 2008

قلبي الجارح


وقعدت لوحدي سارح ************** أفكر في قلبي الجارح

يا قلبي ايه الللي جرالك ************** ايه اللي غير حالك

قالي ظلمت كتير ************ وجرحت قلوب كتير

مكانش قصدي أجرحها ************** كان كل همي أصارحها

كان ضعفي أقوى مني ************ وكلامي كان سابقني

قولتله صعب تكون ملاك ************ في زمن كله هلاك

محدش بيحس بحد ************** ولا يخاف على جرح حد

يا قلبي أقوى وأقسى *************** على كل القلوب القاسية

أوعى في يوم تنسى *************** انك حبيت قلوب ناسيه