ما تبكيش يا قلبي .. على اللي باعوك
بكره يجيلهم يوم .. ويندموا عليك
دموعك دي خسارة .. على ناس في يوم خدعوك
على قلب عمره ما حبك .. ولا فكر يكون ليك
شوفت في عينيهم ضحكة .. كانت وراها الخداع
وعمري ما فكرت أبدا .. تقولك يوم وداع
ما تبكيش يا قلبي .. على اللي باعوك
بكره يجيلهم يوم .. ويندموا عليك
كانت ملاك في عنيه .. ساكنة روحي وخيالي
كانت عايشة في قلبي .. ودايما على بالي
باعت حبي وقلبي .. خانت عشرة سنيين
وأصبحت أنا الضحية .. أنا الطير الحزين
ما تبكيش يا قلبي .. على اللي باعوك
بكره يجيلهم يوم .. ويندموا عليك