.jpg)
أوعديني
أوعديني انك تكوني نجمة عالية في السما
ومفيش عنين تقدر تشوفك أو تطولك غيري أنا
يا نسمه طايرة وسط الورود مليانه شوق و وفا
ارسميلي على الورود وعود وأحلامنا سوا
أوعديني يا حبيبتي احلفيلي يا عيوني
مستحيل ابدا تبيعي مستحيل ابدا تخوني
لو اللى بينا يقدر يحرك ذكرى حلوه مننا
أو يسمع قلوب كتير بتهوى الحب زينا
كنت أبات أسهر لوحدي أستنى نجمة حبنا
اللى كانت في يوم هدية اداها قلبك ليا أنا
أوعديني يا حبيبتي احلفيلي يا عيوني
مستحيل ابدا تبيعي مستحيل ابدا تخوني
ده مهما كان الي بيحصل في حياتنا
لازم في يوم حيبقى ماضي في ذكرياتنا
ونقول دي ذكرة مره عدت من سكاااات
لكن صحت جوه قلبي عمر فااااااااااااات
أوعديني يا حبيبتي احلفيلي يا عيوني
.jpg){kind=link}
21 التعليقات:
الف مبروك المدونة الجديدة
وميرسى لمرورك عندى
تحياتى ليك
في الاول مبروك على المدونه
الاغنيه جميله جدا احساسك فيها واضح وصريح
وكلماتك سهله وجميله
بالتوفيق
تحياتي
شكرا يا دينا الله يبارك فيكي
شكله هيبقى بلوج تحفه
لان الجواب بيبان من عنوانه
كمان القصيده تجنن
ربنا يوفقك يارب
مش ممكن
على فكرة
ممكن يتسخلصو من دمك رومانسية واحساس يساعدو فى شفاء عدد كبير من المتبلد احاسيسهم
مبروك المدونه شكلك لسه جديد
ومبروك عليك الحب واديما كده يارب
ولاء
اولا مبرووك على البلوج
انشاء الله بكرة كل الناس هتعرفه
احساسك عالى جدا
كلماتك اكتر من رائعة
بشكرك على زيارتك لمدونتى ويارب تكون عجبتك
تحياتى
شكرا يا لبنى على كلامك ومرسي ليكي اوووووي
شكرا يا صحفيه يا مرووشه مش روشه
شكلك بتتريقي نهارك اسود
مرسي ليكي يا ولاء شكلك هاديه واتمنى نكون اصحاب
شكرا يا سمسمه بجد عجبتيني ومرسي لكلامك
ربنا يخليكي يا رب
ما شاء الله على الرومانسية ربنا يديم عليك الحب
ما شاء الله القصيدة بجد تحفة
واضح اننا هنشوف مدون جديد عنده مواهب وقدرات نادرة
في انتظار جديدك والف مبروك المدونة
مبروووووووووووووووووووووووووك على المدونة
ومرسى على مرورك عندى
وبعدين احساسك حلو اوى ورقيق جدا والكلام جامد والله العظيم
بس انا احيانا بتضايق من الرومانسية مش عارفة
لما تعرف السبب ياريت تقولى
ومرة تانية مبروووووووك على المدونة
شكرا يا كوين على مرورك بجد مرسي اوي لكلامك بجد
متجامليش اوي انا على قدي
مرسي بجد
مرسي اوي يا دودا لكلامك وتشجيعك وان شاء الله حتشوفي اغنيه تانيه جديده يا رب تعجبك
بليز لو سمحت ممكن اطلب منك طلب انا كمان من المدونين الجدد وعايزة اعرف انت اضفت الموسيقى ازاي للبلوج بتاعك بليز تقولي عشان نفسي اضيف بقى مزيكا عندي للبلوج بتاعي وحكون ممتنة لو ساعدتني شكرا
سلام عليكم
دريم منور عالم التدوين ده فى حاله ان دى تكون اول مره تدوين ليك وان ده يكون اول بلوج ليك بس حاسه بعكس ده يعنى احساس
الكلمات جامده ورقيقه ومعبره جدا
عارف مفتقدين ها النوع من الكلمات الصادق
التى تمتلئ للاحساس لازم في يوم حيبقى ماضي في ذكرياتنا
ونقول دي ذكرة مره عدت من سكاااات
لكن صحت جوه قلبي عمر فااااااااااااات
جمال اوى التلت مقاطع دول ومليانين معانى كتييير جوانا
الخلاصه اقبلنى صديقه لها المدونه الجميله بجد واتمنى لك التوفيق
تحياتى
دريم
كلماتك حلوة اوى وبتعكس احساسك الجميل كمان تصميم المدونة تحفة اهنيك عليه وعلى الاغنية بجد ذوقك حلو اوى
مبروك على المدونة واللى انشاء الله تكون مدونة متميزة
واسمحلى اكون من متابعينك
تقبل تحياتى
ربنا يخليكي ليه يا توتا
واتمنى اشوف تعليقاتك على الي بكتبه
ربنا يخليكي ليه
إرسال تعليق